Atortussat akii

Sanaartornermi aningaasartuutinut naleqqersuutimmi iluarsaanneqarsimasumi nioqqutissat 450-it missaaniipput. Naatsorsuinerit tamaasa sanaartornermi atortussianik Kalaallit Nunaannut eqqussuinerpaasartut nioqqutissat akiinut nalunaarsuisarfiinit akit aaneqartarput. Nioqqutissat ataasiakkaat akii, soorlu natsisinut igalaanullu, qallunaat suliffeqarfiinit Kalaallit Nunaannut tunisinerpaasartunit aaneqartarput. Nioqqutissamik nunguttoqarsimatilluigu naliginnaasumik nioqqutissamut taarsiissutitut atorneqartut naatsorsuinermi ilanngunneqartarput.

 

Assartuineq

Sanaartornermi atortussuanut assartuinermi akit ineriartornerat Royal Arctic Line A/S-p akinut aalajangersagai malillugit naatsorsugaapput.

 

Sulinermi akissarsiat

Kalaallit Nunaanni suliffeqarnermi akissarsiat kisitsisitigut paasissutissaqanngimmata, sanaartornermi akissarsianut aningaasartuutit ineriartornerat qallunaat sanaartornermi akissarsiaasa ineriartornerannik tunngaveqarput. Periaaseq tamanna kkalaallit Nunaanni sanaartonermi akissarsiat ineriartornerannik naapertuuttumik ersersitsisutut nalilerneqarpoq.